Einn fyrir alla og allir fyrir einn

Það eru margar ástæður sem mæla með því að aka fjölnotabifreið en fáar sem mæla á móti því. Þetta á sérlega við þegar atvinnubíladeild Volkswagen hefur herferð sína við kynningu á þessum gerðum í vor.Það eru margar ástæður sem mæla með því að aka fjölnotabifreið en fáar sem mæla á móti því. Þetta á sérlega við þegar atvinnubíladeild Volkswagen hefur herferð sína við kynningu á þessum gerðum í vor.Það eru margar ástæður sem mæla með því að aka fjölnotabifreið en fáar sem mæla á móti því. Þetta á sérlega við þegar atvinnubíladeild Volkswagen hefur herferð sína við kynningu á þessum gerðum í vor. Kynningin hefst með Multivan gerðinni, sem er stærsta fjölnotabifreið samsteypunnar til þessa.

Fyrsta flokks hreyflar og undirvagn sem mæta væntingum þeirra kaupenda sem sækjast eftir sportlegum eiginleikum og annar búnaður sem uppfyllir óskir hinna kröfuhörðustu. Hinn nýi Multivan verður lúxusbifreið og fellur þar með í flokk bifreiða sem eru fyrir hjá Volkswagen (Phaeton og Touareg). Þessari stóru fjölnotabifreið er ekki aðeins ætlað að mæta þörfum hefðbundinna kaupenda fjölnotabifreiða, heldur einnig að ná hylli þeirra sem fram að þessu hafa keypt bifreiðir í öðrum flokkum. Stærð Multivan (lengd 4,89 m breidd 1,91 m) er svipuð og á hefðbundnum skutbíl, en þar við bætist mikið rými vegna hæðarinnar (1,94 m).

Fjölhæfni á alla vegu

Vegna nánast ótakmarkaðrar fjölhæfni í nýtingu innanrýmis, stærð og vélbúnaðar lendir hinn nýi Multivan í flokki stórra fjölnotabíla. Hugmyndin að baki þessari nýju bifreið byggir á þeim grunni að allt sé mögulegt og að bifreiðin sjálf setji ekki nein mörk. Lykilatriðið á bak við þetta eru rennur sem felldar eru ofan í gólf bifreiðarinnar. Þær gera mögulegt að staðsetja stök sæti, bekk og borð í hvaða stöðu sem er í afturhluta bifreiðarinnar, og bjóða þar með upp á notkun á ótrúlega fjölbreyttu úrvali í sætaskipan, innréttingu og búnaði. Þar á meðal er auðvelt að flytja fjallahjól eða sérbúnað vegna ferðalaga eða viðskipta. Öll sætin er með þriggja festu öryggisbeltum, sem gefur aukið öryggi á ferðalögum, sama í hvaða stöðu sætin eru. Multivan er einnig fyrsta stóra fjölnotabifreiðin sem er með hliðaröryggisloftpúða fyrir faraþega í aftursætum, til viðbótar þeim sem þegar eru til staðar fyrir ökumann og farþega í framsæti. Rennihurðir á báðum hliðum auka enn á fjölhæfni Multivan sem fjölnotabifreiðar.

Meira afl, meiri sveigjanleiki

Fimm nýjar gerðir véla tryggja ánægjulegan akstur í amstri dagsins: tvær bensínvélar (85 kW/115 hö eða 170 kW/230 hö) og nútímalegar dísilvélar með aflsvið frá 77 kW/104 hö að 128 kW/174 hö. Vél sem mun tryggja einstaklega ánægjulegan akstur er nýhönnuð og sérlega sparneytin fimm strokka dísilvél með beinni innsprautun, sem er 2,5 lítrar að slagrými. Þessi vél býður upp á sérlega mikið og gott snúningsvægi, eða sem nemur 340 til 400 Nm. Allar vélar, jafnt fimm og sex strokka, eru í boði með sex gíra handskiptum gírkassa eða sjálfskiptingu, nokkuð sem ekki hefur þekkst í þessum flokki bifreiða fram að þessu.

Frábærir aksturseiginleikar á öllum vegum

Til að taka við hinu mikla afli frá þessum vélum er hjólabúnaður, sem er með endurbættri fjöðrun, sem tryggir gott veggrip við hvaða aðstæður sem er. Þessa frábæru aksturseiginleika má rekja til sérstakrar hönnunar á yfirbyggingu og algerrar endurhönnunar á tæknilegri uppbyggingu fjöðrunarbúnaðarins. McPherson gormafjöðrun er að framan og fjölliða fjöðrunarkerfi að aftan sem byggir á skásettum eltiörmum með gormafjöðrun og skástæðum höggdeyfum gefa aksturseiginleika sem fram að þessu hefur einungis verið að finna í fólksbifreiðum. Stórar jafnvægisstengur hjálpa til við að draga úr áhrifum halla þegar beygt er, samhliða því að hleðslunæmir höggdeyfar auka þægindi fjöðrunarinnar. Multivan er með 16 eða 17 tomma hemladiska, en stærðin fer eftir vélarstærð. Bifreiðin er búin fjögurra rása hemlalæsivörn (ABS), rafeindastýrðri driflæsingu og ASR. Rafeindastýrð stöðugleikastýring er aukabúnaður (en staðalbúnaður í VR 6 gerðunum).

Öflugt loftfrískunarkerfi

Akstursánægja byggist að miklu leyti á hitastigi og ástandi lofts inni í bifreiðinni. Mismunandi farþegar hafa ólíkar þarfir gagnvart hitastigi. Það er þess vegna að hægt er að stilla hitastig frammí bifreiðinni og afturhluta hennar sérstaklega á hvorum stað fyrir sig. Með nýja Climatronic kerfinu hefur Multivan enn á ný sérstöðu í sínum stærðarflokki. Kerfið gefur einnig kost á enn frekari sérstillingum, því hægt er að stilla hitastig sérstaklega fyrir hvort framsæti fyrir sig. Farþegar í aftursætum geta beint loftflæði frá lofttúðum í þaki að sæti sínu eða látið það flæða með loftinu. Auðvelt er að stilla Climatronic-kerfið. Allt, sem notandinn þarf að gera, er að stilla inn ákveðið hitastig og beina loftflæðinu í tiltekna átt.

Auðveldari samskipti

Einn af helstu kostum Multivan er sá að hann getur flutt fjölda farþega. Skemmtilegar samræður geta gert ferðina ánægjulegri, en vandamálið fram að þessu hefur oft verið að halda uppi samskiptum á milli þeirra sem sitja fremst og aftast í bifreiðum. Multivan býður í fyrsta skipti í heiminum aukabúnað sem léttir þessi samskipti. Um er að ræða stafrænan samskiptabúnað (DVE). Þetta kerfi er sambyggt hátalarakerfi bifreiðarinnar og sjá sex hljóðnemar sem eru felldir inn í þak bifreiðarinnar um að hægt er að tala saman á eðlilega hátt. Ökumaðurnn þarf ekki lengur að snúa höfðinu til að heyra í þeim sem sitja aftast, heldur getur einbeitt sér að akstrinum. Allir sem ferðast í bifreiðinni njóta því þessa nýja hljómkerfis.

Kemur til Íslands í vor

HEKLA gerir ráð fyrir að kynna hinn nýja Multivan frá Volkswagen í vor hér á landi en verð liggur ekki fyrir.