Mitsubishi ætlar sér sigur í 9 sinn í Dakar-Rallinu

Akstursíþróttalið Mitsubishi Motors ætlar sér fyrir hönd Mitsubishi Motors Corporation að setja met með níunda sigri sínum og þeim fjórða í röð í 2004 Telefónica Dakar-rallinu sem hefst á nýársdag.Akstursíþróttalið Mitsubishi Motors ætlar sér fyrir hönd Mitsubishi Motors Corporation að setja met með níunda sigri sínum og þeim fjórða í röð í 2004 Telefónica Dakar-rallinu sem hefst á nýársdag.Akstursíþróttalið Mitsubishi Motors ætlar sér fyrir hönd Mitsubishi Motors Corporation að setja met með níunda sigri sínum og þeim fjórða í röð í 2004 Telefónica Dakar-rallinu sem hefst á nýársdag. Keppendur verða ræstir af stað í borginni Clermond-Ferrand í Frakklandi. Þeirra bíður svo gríðarlega erfið keppni um Evrópu og Norður-Afríku sem lýkur í Dakar höfuðborg Senegal þann 18. janúar 2004. Mitsubishi Motors hefur skráð fjóra bíla til keppni í þessu sögufræga ralli, þrjá Pajero Evolution bíla og einn Pajero bíl.

Mitsubishi Pajero Evolution bíll tók fyrst þátt í Eyðimerkuráskoruninni 2002 í Sameinuðu arabísku furstadæmunum og sigraði þar með Stéphane Peterhansel við stjórnvölinn. Sami bíll vann svo Dakar-rallið 2003 í sinni fyrstu tilraun, að þessu sinni með Japanann Hiroshi Masuoka við stýrið. Nú er búið að setja fjögurra lítra vél í þennan FIA Super Production bíl og gera á honum fleiri breytingar. Stéphane Peterhansel leiddi svo Pajero Evolution bíl enn á ný til sigurs í Eyðimerkuráskoruninni 2003 í Sameinuðu arabísku furstadæmunum í síðustu keppni sinni til undirbúnings fyrir Dakar-rallið.

Mitsubishi Motors tók fyrst þátt í Dakar-rallinu árið 1983 og er í hópi þeirra bílaframleiðenda sem bestum árangri hafa náð í því. Árið 2003 tryggði framleiðandinn sér sinn þriðja sigur í röð með fyrstu útgáfu sinni af Pajero Evolution bílnum. Hann var fyrst kynntur sem hugmyndabíll á 59. bílasýningunni í Frankfurt árið 2001 og svo sem keppnisbíll á bílasýningunni í París árið eftir.

Heimasíða Mitsubishi keppnisliðsins