Nýr Scania

Scania kynnir nýja gerð flutningabíla sem eru hagkvæmir í rekstri og þægilegir í akstri Ný tegund vöruflutningabíla, R-gerðin, hefur nú verið kynnt í Svíþjóð. Um er að ræða flutningabíla ætlaða til langaksturs og eru þeir hrein viðbót við það sem Scania hefur hingað til framleitt fyrir heimsmarkað. Scania kynnir nýja gerð flutningabíla sem eru hagkvæmir í rekstri og þægilegir í akstri Ný tegund vöruflutningabíla, R-gerðin, hefur nú verið kynnt í Svíþjóð. Um er að ræða flutningabíla ætlaða til langaksturs og eru þeir hrein viðbót við það sem Scania hefur hingað til framleitt fyrir heimsmarkað. Scania kynnir nýja gerð flutningabíla sem eru hagkvæmir í rekstri og þægilegir í akstri Ný tegund vöruflutningabíla, R-gerðin, hefur nú verið kynnt í Svíþjóð. Um er að ræða flutningabíla ætlaða til langaksturs og eru þeir hrein viðbót við það sem Scania hefur hingað til framleitt fyrir heimsmarkað. Í bílunum er að finna nýmæli og endurbætur af ýmsu tagi. Við alla hönnunar- og þróunarvinnu var lögð aðaláhersla á gæði, rekstrarhagkvæmni og aðbúnað ökumanns.

Scania nýtir sér það besta úr því sem fyrir er eða 65 af hundraði en endurnýjar aðra þætti og kerfi á framsækinn hátt með það fyrir augum að framleiða sérstaklega samkeppnishæfa nýja gerð flutningabíla fyrir heimsmarkað.

Leif Östling, forstjóri Scania segir: "Nýju flutningabílarnir frá Scania eru smíðaðir með tvennt fyrir augum, að skapa nýjar og betri aðstæður fyrir ökumanninn og að auka rekstrarhagkvæmni eigandans. Dregið hefur verið úr þyngd bílanna og öryggi og afköst hafa aukist en þeir bera áfram öll mikilvægustu einkenni Scania-bíla.

Eldsneytisnýting hefur aukist um allt að þrjá af hundraði, til dæmis vegna loftaflsfræðilegra þátta og bættrar stýringar á aukabúnaði við vél. Ýmsir íhlutir og ný fjöðrun léttir bílana um allt að 270 kíló. Þessar endurbætur þýða mjög aukna rekstrarhagkvæmni fyrir eigandann. Í september gefst kaupendum einnig kostur á að fá bílana með nýju 420 hestafla Euro 4 vélinni en í henni hefur verið dregið úr útblæstri nituroxíðs sem nemur 30% og útblæstri smáagna sem nemur 80%.

R-gerðin er hrein viðbót við framboð Scania á heimsmarkaði en hægt er að nota sömu íhlutina í margar gerðir flutningabíla. Eftirspurn viðskiptavina og opinberar kröfur ráða því hvaða gerðir verða seldar á hverju markaðssvæði. Scania er þannig hægt og rólega að skipta út eldri tegundum fyrir þessa nýju gerð um heim allan. Stjórnklefi ökumanns og vélaraflið færir flutningabílunum sín sérstöku Scania-einkenni sem einnig má sjá á framhlið bílsinns. Scania hefur búist til áframhaldandi sóknar á alheimsvísu með nýrri gerð flutningabíla, sveigjanlegu framleiðslukerfi og öflugu viðskiptaneti um heim allan. Scania styrkir stöðu sína sem besti kosturinn fyrir alla þá sem stefna að því að tryggja stöðu sína í vöruflutningum," segir Leif Östling að lokum.

Bjarni Arnarson sölustjóri Scania hjá Vélasviði HEKLU segir: "Nýi Scania bíllinn er hrein viðbót við núverandi línu Scania flutningabíla sem við munum bjóða áfram fram á mitt næsta ár. Við erum þegar farnir að taka við pöntunum í nýju bílanna og munum afhenda þá tvo fyrstu núna í maí. Scania hefur undanfarin þrjú ár verið söluhæsti vörubíllinn hér á landi í flokki 16 tonna bíla og yfir. Við höfum öll þessi ár verið með yfir 30% hlutdeild og árið í ár byrjar einnig mjög vel. Þennan árangur þökkum við fyrst og fremst gæðum og áreðanleika Scania, hagkvæmu verði, auk þjónustu og aðstöðu Vélasviðs HEKLU í Klettagörðum, á Akureyri og á Reyðarfirði."

Eftirfarandi er meðal þess sem einnig einkennir nýju gerðina:

Nýtt útlit að framan undirstrikar Scania-einkennin.

Ný innrétting í stýrishúsi með fjölmörgum snjöllum lausnum sem auka bæði öryggi og ánægju í akstri.

Stýrishús með svefnaðstöðu fást í þremur hæðum. Ný og vönduð útgáfa með hækkuðu þaki , mitt á milli svefnhúss og lúxus Topline-svefnhússins. Rými í stýrishúsi hefur aukist til muna, m.a. með breytingu á gólfi.

Rafræn ESP-stöðugleikastýring er fáanleg sem aukabúnaður með sumum gerðum.

Ný tegund rafrænna diskahemla.

Fjölbreytt val Euro 3 véla m.a. ný 500 ha. V8 vél

420 hestafla Euro 4 vél verður einnig fáanleg frá og með september 2004.

Scania kynnir nýju R-gerðina eftir umfangsmiklar prófanir sem eiga að tryggja að gæði séu tryggð í hverju smáatriði. Scania hefur smíðað 600 flutningabíla af R-gerð síðan í september í fyrra til að tryggja gæði í bæði bílunum sjálfum og framleiðsluferlinu. Flutningabílarnir hafa verið smíðaðir í samræmi við tæknilýsingar og með íhlutum frá öllum birgjum.

Á sama tíma hefur framleiðsluferlið einnig verið endurbætt. Framleiðsla flutningabíla fyrir almennan markað hefst í apríl í Södertälje í Svíþjóð, í Zwolle í Hollandi hefst hún í maí og í Angers í Frakklandi í júní. Innan árs koma einnig nýjar gerðir í kjölfar R-gerðarinnar.

Nánari upplýsingar, myndir, teikningar o.s.frv. má finna á netinu á vefsetrinu www.scania.com