Þátttaka Volkswagen í Dakar-rallinu – gríðarlegt skipulagsverkefni

Allt gengur samkvæmt áætlun: Öflugt skipulag og skilvirkt þjónustukerfi einkennir lið Volkswagen-verksmiðjanna Kappakstursmenn sem keppa á hraðakstursbrautum taka lífinu með ró að vetrarlagi og gefa sér tíma til að njóta jólanna ásamt því að þjálfa sig í líkamsræktarstöðvum. Annar flokkur ökumanna þarf þó að vinna baki brotnu á sama tíma. Allt gengur samkvæmt áætlun: Öflugt skipulag og skilvirkt þjónustukerfi einkennir lið Volkswagen-verksmiðjanna Kappakstursmenn sem keppa á hraðakstursbrautum taka lífinu með ró að vetrarlagi og gefa sér tíma til að njóta jólanna ásamt því að þjálfa sig í líkamsræktarstöðvum. Annar flokkur ökumanna þarf þó að vinna baki brotnu á sama tíma. Allt gengur samkvæmt áætlun: Öflugt skipulag og skilvirkt þjónustukerfi einkennir lið Volkswagen-verksmiðjanna Kappakstursmenn sem keppa á hraðakstursbrautum taka lífinu með ró að vetrarlagi og gefa sér tíma til að njóta jólanna ásamt því að þjálfa sig í líkamsræktarstöðvum. Annar flokkur ökumanna þarf þó að vinna baki brotnu á sama tíma. Víðavangsrallkappar Volkswagen-verksmiðjanna, þær Jutta Kleinschmidt og aðstoðarökumaður hennar Fabrizia Pons og þeir Bruno Saby og aðstoðarökumaður hans Matthew Stevenson, undirbjuggu sig vel fyrir Dakar rallýið og það ekki bara með líkamlegri þjálfun.

Ökumennirnir fjórir kynntust Race Touareg bílum sínum í fyrsta sinn í desember frá alveg nýjum sjónarhóli. Undirbúningurinn hófst með forvinnu og 4.300 km tilraunaakstri í nóvember í Marokkó og að því loknu smíðuðu ökumenn og aðstoðarökumenn sína eigin keppnisbíla undir sérfræðileiðsögn verkfræðinga, tæknimanna og vélvirkja verksmiðjuliðs Volkswagens í Wolfsburg. Þessi leið var valin til þess að bæði ökumenn og aðstoðarmenn þeirra þekki Race-Touareg bíl sinn bæði út og inn og geti í neyðartilfelli gert við allar bilanir sem upp kunna að koma í hinu rúmlega 11.000 km. langa Dakar-ralli. Sumar dagleiðirnar verða alls rúmlega þúsund kílómetrar og á tveggja daga maraþonáföngum má ekki nýta sér þjónustubifreiðar. Aðstæður verða allan tímann eins erfiðar og hægt er að hugsa sér í eyðimörkinni eða skóglendi og við þær aðstæður getur hver sekúnda skipt máli þegar í mark kemur.

Hönnunarstjórinn Eduard Weidl lagði því mikla áherslu á það í hönnunarvinnunni að auðvelt væri að þjónusta allar hliðar Race-Touareg bílsins. Ýmsir hlutir og samsetningar eru þeir sömu og þannig er varahlutum í bílinn fækkað. Nýtískuleg tengi- og flansakerfi einfalda viðgerðarvinnu og stytta biðtíma. Þetta kemur svo auðvitað fleirum en ökumönnunum fjórum til góða þegar þeir þurfa að taka til hendinni. Sérþjálfað viðgerðarlið sér um viðhald beggja Race-Touareg bílanna á kvöldin en þeir aka alls 5.424 km langar sérleiðir í rallinu. Bílarnir tveir aka því á aðeins 18 dögum mun lengri vegalengd en öll Formúlu 1 mótin eru samtals á ári hverju.

Í Volkswagen-liðinu eru alls 43 starfsmenn, allt frá vélvirkjum til Kris Nissen forstjóra Motorsport, ökumanna og aðstoðarökumanna. Spánverjinn Paco Crous ber ábyrgð á nákvæmri keppnissamhæfingu. Hann er sérfræðingur í skipulagningu og hefur alls tekið þátt í 16 Dakar-röllum með mörgum liðum. Hann hefur yfirumsjón með öllu starfsliði og öllum aðdráttum, þar með töldum flota 14 bifreiða. Race-Touareg bílar þeirra Juttu Kleinschmidt og Bruno Saby njóta aðstoðar tveggja jeppa sem skráðir eru til keppni. Þar er þá einu aðstoð að fá sem ökumenn geta treyst á í hverri sérleið. Ekki má vanmeta mikilvægi þeirra eins og ökumaðurinn Jutta Kleinschmidt komst að í janúar 2003. Þá tókst þeim Franz Echter, Johannes Lehrer og Detlef Ruf á jeppa sínum að koma í veg fyrir að þær Jutta Kleinschmidt og Fabrizia Pons féllu úr keppni. Þess í stað náðu þau áttunda sætinu samtals og urðu í öðru sæti bíla með drif á tveimur hjólum á eftir félögum sínum í liði Volkswagen.

Fylgdarjepparnir eiga einkum hlutverki að gegna á hinum svokölluðu maraþonsérleiðum sem að þessu sinni verða eknar dagana 8. til 9. og 15. til 16. janúar. Ástæðan er sú að þá verður fylgdarliðið að velja aðra leið en rallbílarnir ásamt fylgdarjeppum og hóparnir hittast því ekki í tvo heila daga og eina nótt. Rallökumennirnir verða sjálfir að lagfæra þær bilanir sem kunna að koma fram á þessum sérleiðum.

Tveir Race-Touareg og tveir jeppar með tvöfaldan afturöxul taka þátt í Dakar-rallinu en auk þess ræður Volkswage-liðið yfir þremur þjónustubílum með nauðsynlegum viðgerðarbúnaði. Tveir “double cab” jeppar flytja annan nauðsynlegan búnað og farangur starfsfólksins. Fimm Touareg Competition bílar eru svo notaðir til að flytja starfsliðið og þá eru upp talin farartæki Volkswagen-liðsins.

Aðstoðarliðsins bíður ekki síður erfitt ferðalag en keppenda eins og best sést á sjöundu til tíundu sérleið. Þá aka þau Jutta Kleinschmidt og Bruno Saby samtals 3.093 km þessa fjóra daga en þjónustuliðið þarf alls að aka 3.850 km á sama tíma.

Keppendur voru ræstir af stað í borginni Clermont-Ferrand á nýjársdag og þar með hófst 18 daga hörkukeppni í erfiðasta ralli heims, ekki bara hvað keppendur varðar heldur líka hjá stuðningsliði þeirra.