Viðskiptaráðherra heimsækir HEKLU

Björgvin G. Sigurðsson viðskiptaráðherra heimsótti HEKLU síðastliðinn föstudag til að kynna sér starfsemi fyrirtækisins og lækkun HEKLU á nýjum bílum, sem tilkynnt var miðvikudaginn 30. apríl síðastliðinn. Björgvin G. Sigurðsson viðskiptaráðherra heimsótti HEKLU síðastliðinn föstudag til að kynna sér starfsemi fyrirtækisins og lækkun HEKLU á nýjum bílum, sem tilkynnt var miðvikudaginn 30. apríl síðastliðinn. Björgvin G. Sigurðsson viðskiptaráðherra heimsótti HEKLU síðastliðinn föstudag til að kynna sér starfsemi fyrirtækisins og lækkun HEKLU á nýjum bílum, sem tilkynnt var miðvikudaginn 30. apríl síðastliðinn. Nemur lækkunin allt að 17% á einstökum bílategundum en vegin meðaltalslækkun, reiknuð út frá sölu á 15 mest seldu bílategundum HEKLU, nemur 9,12%. Þessar 15 bílategundir standa fyrir rúmlega 80% af heildarnýskráningum fyrirtækisins.

Það voru Knútur G. Hauksson, forstjóri HEKLU, og Sverrir Viðar Hauksson, framkvæmdastjóri bílasviðs HEKLU, sem tóku á móti viðskiptaráðherra og kynntu honum starfsemi fyrirtækisins og þær aðgerðir sem gripið var til gagnvart birgjum til að ná fram umræddri verðlækkun.  Fagnaði viðskiptaráðherra þessu framtaki HEKLU og lét þau orð falla að vonandi myndu fleiri fyrirtæki fylgja í kjölfarið og leita leiða til að lækka vöruverð á næstunni, eða a.m.k. halda í horfinu og hækka ekki sínar vörur.

 

Frá vinstri: Sverrir Viðar Hauksson, framkvæmdastjóri bílasviðs HEKLU, Björgvin G. Sigurðsson viðskiptaráðherra og Knútur G. Hauksson, forstjóri HEKLU.