Frá Kópavogi til Casablanca á Volkswagen Golf

Hjónin Gylfi og Irpa voru að leggja af stað í ævintýraferð sem spannar þrjá mánuði, tvær heimsálfur og rúma 12.000 kílómetra – allt á Volkswagen Golf Variant TGI sem þau keyptu nýjan hjá Heklu árið 2018. Markmiðið? Að aka frá Kópavogi alla leið til Casablanca og njóta menningar, matargerðar, strandlífs og borgarbrags á leiðinni.

Ferðin hófst 19. mars þegar þau sigldu af stað með Norrænu og stíga á land í Hirtshals á sunnudaginn. Eftir nokkra undirbúningsdaga halda þau suður á bóginn 29. mars og aka í gegnum Þýskaland, Frakkland og Spán alla leið til Marrakesh og Casablanca. Þar hefst norðurleiðin um Tangier, Tarifa, Faro og áfram til Lissabon, Porto, Santiago de Compostela og Zarutz á norður-Spáni. Síðan bíða Bordeaux, Le Havre, Brugge, Amsterdam, Hamburg og Aarhus – áður en þau sigla heim með Norrænu 23. júní.

Þau eru langt því frá óvön slíkum ferðum. Ástríða þeirra fyrir löngum bílferðum, landslagi og menningu skilar sér í lifandi ferðasögum, fallegum myndum og persónulegum frásögnum. Gylfi starfar sem kennslustjóri, hefur reynslu af blaðamennsku og er áhugaljósmyndari sem hlotið hefur verðlaun fyrir verk sín.

Uppfært 10.4.

Eftir nokkra daga í slökun í Árhúsum þá héldu þau Gylfi og Irpa áfram suður á bóginn og ferðuðust nokkuð greitt frá Danmörku alla leið til Marokkó. Fyrsti leggur á meginlandinu var frá Árhúsum 500 km suður til Þýskalands.

Þaðan lá leið í gegnum Þýskar sveitir yfir til Frakklands á frábærum hraðbrautum þar sem Golfinum leið eins og hann væri kominn heim. Ferðin gekk vel og gafst góður tími til að skoða fallega bæji í Frakklandi á leiðinni.

Frá frönsku sveitinni lá leiðin suður að miðjarðarhafinu, nánar til tekið til Costa Brava. Eftir því sem lengra suður var komið hækkaði hitastigið og má segja að vorveður Evrópu hafi breyst í sumar á meðan snjóstormar geysa á Íslandi. Þess má til gamans geta að fyrsti dagur í stuttbuxum var á Costa Brava.

Eftir að hafa tekið sér tíma í góða veðrinu á Spáni, skoðað nágreni Sierra Nevada og Granada, færast þau nær Afríku. Frá Tarifa tóku þau ferjuna frá Evrópu yfir til Afríku, til Tangier og keyrðu svo alla leið niður til Casablanca og svo áfram til Marrakesh.

Hekla mun fylgja þeim hjónum í þessu spennandi ferðalagi frá upphafi til enda með því að deila á samfélagsmiðlum og setja inn uppfærslur á heimasíðu Heklu.

Hægt er að fylgja þeim hjónum á Instagram á aðgangnum koptilcasablanca eða á miðlum Heklu.