Frumsýnum sjö bíla um helgina!

HEKLA lætur sig ekki vanta í herlegheitin og stútfyllir 1000 fm² svæði með stórglæsilegum bifreiðum sem spanna allan skalann. Hvort sem áhuginn beinist að smávöxnum og rafmögnuðum VW e-up!, hraðskreiðum Audi TT eða fullvöxnum Mitsubishi Pajero er Hekla með svarið og slær hvergi feilnótu ...

Það stefnir allt í allsherjar bílaveislu helgina 9. og 10. maí þegar bílasýning Bílgreinasambandsins, Allt á hjólum, verður haldin í Fífunni í Kópavogi. HEKLA lætur sig ekki vanta í herlegheitin og stútfyllir 1000 fm² svæði með stórglæsilegum bifreiðum sem spanna allan skalann. Hvort sem áhuginn beinist að smávöxnum og rafmögnuðum VW e-up!, hraðskreiðum Audi TT eða fullvöxnum Mitsubishi Pajero er Hekla með svarið og slær hvergi feilnótu.

Þetta er í þriðja sinn sem sýningin er haldin. Hekla tjaldar öllu til og frumsýnir hvorki meira né minna en sjö bíla. Það eru Volkswagen Golf-R, Skoda Fabia, Skoda Superb, Audi TT, Audi A6, tvíorkutæknivæddur Audi A3 e-tron og ferða- og húsbíllinn Volkswagen California.

„Um helgina frumsýnum við hjá Volkswagen Golf R sem er kraftmesti Golfinn sem í boði er. Þetta er 300 hestafla fjórhjóladrifið tryllitæki, 3.6 sek frá 0 og upp í 80 og 4.9 sek í 100. Golf R er margrómaður fyrir frábæra sportlega aksturseiginleika og verður nú fáanlegur hjá okkur í takmörkuðu upplagi,“ segir Haraldur Ársælsson, vörustjóri Volkswagen.

Audi kemur einnig sterkur inn um helgina. „Við frumsýnum þrjá nýja Audi,“ segir Jóhann Ingi Magnússon vörustjóri Audi. „Það eru Audi A3 e-tron sem sameinar á nýjan hátt helstu kosti raf- og bensínbíla þar sem raforkan ein og sér dugar í flestar ferðir innanbæjar og sparneytin bensínvél kemur sér vel í lengri ferðum.  Nýr Audi TT rétt náði til landsins fyrir helgina og verður gaman geta sýnt Íslendingum alvöru sportbíl á góðu verði.  Þriðja frumsýning helgarinnar er svo nýr og glæsilegur Audi A6,“ segir Jóhann Ingi.

Skoda verður enginn eftirbátur um helgina. „Við munum frumsýna nýjan Skoda Fabia í Fífunni um helgina. Við erum mjög spennt fyrir bílnum enda gríðarlega flottur og hefur fengið frábærar viðtökur. Hann verður fáanlegur með sparneytnum bensín- og dísil vélum auk þess sem hann býður upp á skemmtilegan tæknibúnað. Skoda Fabia verður einnig fáanlegur í combi-útfærslu með alvöru skottplássi. Við forsýnum einnig nýjan Skoda Superb en við fáum einn af fyrstu framleiddu bílunum af nýju kynslóðinni til okkar á sýninguna. Hönnun nýja bílsins hefur hitt í mark og ég hvet fólk til að koma og skoða bílinn um helgina,“ segir Valgeir Erlendsson, vörustjóri Skoda

„VW California hefur farið sigurför um heiminn undanfarin ár og er gríðarlega vinsæll ferða- og húsbíll um allan heim. Það geta fjórir fullorðnir sofið í honum, hann er útbúinn með eldhúsi, tveimur gashelluborðum og ísskáp. Hann er líka með frábærlega hannaðri innréttingum, markísu og innfelldum tveimur borðum. California er auðveldlega hægt að nýta allan ársins hring og getur vel nýst í daglegum akstri í stað jeppa, segir Ívar Þór Sigþórsson, sölustjóri Volkswagen atvinnubíla.

Hekla er leiðandi í fjölbreyttum aflgjöfum og býður upp á breiða línu af umhverfisvænum bílum. Þar má nefna rafmagnsbílana VW e-up! og VW e-Golf, Audi A3 e-tron og Mitsubishi Outlander PHEV sem ganga fyrir bæði rafmagni og bensíni og metan-og bensínbílinn Skoda Octavia G-Tec. Þetta stórkostlega úrval er lýsandi dæmi um þá rafmögnuðu framtíð sem er í kortunum hjá Heklu.

Hér má sjá smá dæmi um bílana sem á sýningunni verða: