Nýr Mitsubishi Outlander frumsýndur

Nýr Mitsubishi Outlander verður frumsýndur laugardaginn 16. febrúar 2013, milli kl. 10-16 í HEKLU. Nýr Mitsubishi Outlander er hlaðinn búnaði, 5 eða 7 manna og með sparneytnum bensín- eða dísilvélum.Nýr Mitsubishi Outlander verður frumsýndur laugardaginn 16. febrúar 2013, milli kl. 10-16 í HEKLU. Nýr Mitsubishi Outlander er hlaðinn búnaði, 5 eða 7 manna og með sparneytnum bensín- eða dísilvélum.

Nýr Mitsubishi Outlander verður frumsýndur laugardaginn 16. febrúar 2013, milli kl. 10-16 í HEKLU.

Nýr Mitsubishi Outlander er hlaðinn búnaði, 5 eða 7 manna og með sparneytnum bensín- eða dísilvélum.

Umhverfi, gæði og öryggi ásamt aksturseiginleikum, þetta eru meginþættirnir sem liggja að baki þróunar á þriðju kynslóð hins fjórhjóladrifna Mitsubishi Outlander.
Það sem meira er, sérhver þessara þátta lyftir Outlander á hærri stall. Í dag er ætlast til þess að bílar bjóði upp á meira en aðeins akstursánægju. Það sést strax á útliti hins nýja Mitsubishi Outlander að hér er á ferðinni bíll, sem leyfir ökumanni og farþegum að njóta þess besta sem bílar dagsins í dag geta boðið upp á.

Þrjú aðalatriði

Mitsubishi hefur ávallt gert sér grein fyrir því að þrjú atriði: “Umhyggja fyrir umhverfinu”, “öryggi farþega” og “þægilegt innanrými” skipta alla ökumenn höfuðmáli. Allir bílar þeirra hafa leitast við að uppfylla þessi skilyrði og með hinum nýja Outlander hefur tekist að lyfta þessum atriðum í hærri hæðir og sameina aksturseiginleika á þann hátt að skapa fágaða akstursupplifun. Hinn nýi Outlander er bíll með jeppaeiginleika sem setur nýjan staðal hvað varðar fyrsta flokks frammistöðu og aksturseiginleika.

Byggður á góðum grunni

Mitsubishi Outlander á sér langa og farsæla þróunarsögu. Hann kom fyrst fram í dagsljósið í Japan árið 2001 sem Mitsubishi Airtrek, sem var byggður á hugmyndabílnum ASX, en síðan sem fyrsta kynslóð Outlander, 2003 til 2006. Fyrsta kynslóðin var bæði í boði með framhjóladrifi og fjórhjóladrifi, og þá með vökvakúplingu fyrir mismunadrif í miðju.
Önnur kynslóð Outlander kom síðan á markað í október 2005, þá búinn nýrri 16 ventla 2,4 lítra MIVEC-vél með tveimur kambásum, INVECS-III stiglausri sjálfskiptingu og nýju rafeindastýrðu stjórnkerfi fyrir aldrifsbúnaðinn, sem jafnframt var stöðugleikastýring.

Þriðja kynslóðin

Þessi nýja gerð fjórhjóladrifins Mistubishi Outlander, sem verið er að kynna hér á landi var frumsýnd á bílasýningunni í Genf á liðnu ári og kom á almennan markað í fyrstu Evrópulöndunum á liðnu hausti og nú í framhaldi hérlendis. Samhliða því að kynna Outlander í nýrri gerð með bæði dísil og bensínvél, þá var hann einnig kynntur til sögunnar sem fjölorkubíll, PHEV, með 2,0 lítra MIVEC bensínvél og rafmótor, sem byggir á sama tæknigrunni og litli rafbíllinn Mitsubishi i-MiEV.

Tvær vélargerðir

Hinn nýi Outlander stendur framarlega í flokki ef litið er til vistvænna áhrifa á umhverfið, því bæði nýja MIVEC-bensínvélin og DI-D dísilvélin bjóða upp á áður óþekkta sparneytni og lægri útblástur mengandi efna.
Hinn nýi Outlander er í boði með tveimur vélargerðum: Nýrri 2,0 lítra MIVEC bensínvél og 2,2 lítra DI-D dísilvél.
Bensínvélin er 150 hestöfl (110 kW) við 6.000 sn.mín og snúningsvægið er 195 Nm við 4.100 til 4.200 sn.mín.
2,2 lítra DI-D dísilvélin er með samrásarinnsprautun, millikæli og forþjöppu, 150 hestöfl (110 kW) við 3.500 sn.mín. Snúningsvægi dísilvélarinnar er einnig dágott eða 380 Nm á bilinu 1,500 til 2.750 sn.mín, eftir því hvort bíllinn er sjálfskiptur eða handskiptur.

Tvö stig búnaðar, 5 og 7 manna

Outlander er í boði í tveimur stigum búnaðar, “INTENSE” og “INSTYLE”, og í boði ýmist 5 eða 7 manna. Báðar gerðir eru hlaðnar búnaði, bæði til þæginda og öryggis. Meðal búnaðar má nefna öryggispúða fyrir ökumann og farþega í framsæti, hliðar- og höfuðpúða. Þar til viðbótar er sérstakur öryggispúði fyrir hné ökumanns.
Stöðugleikastýring er staðalbúnaður, útvarp með CD/MP3 spilara og 6 hátalarar, tvískipt miðstöðvarkerfi og loftkæling, leðurklætt stýrishjól með stillibúnaði fyrir hljómtæki, hraðastilli og Bluetooth.
Báðar gerðir eru með árekstraviðvörunarbúnaði að framan, skriðstilli sem aðlagar sig að ökuhraða og viðvörunarbúnaði, sem varar við ef bíllinn leitar út fyrir akrein í akstri. Báðar gerðirnar eru búnar bakkmyndavél.
Í sjö sæta gerð er hægt að renna sætum í annarri sætaröð sjálfstætt (60:40 skipting) og í þeirri gerð er einnig hægt að halla öftustu sætunum, brjóta saman og setja í geymslustöðu, þegar þau eru ekki í notkun.
Instyle er einnig búinn lykillausu aðgangskerfi, rafstýrðum afturhlera og leðursætum ásamt Instyle Rockford hljóðkerfi og beyju- og sjálfstillanlegum framljósum.

INTENSE er í boði bæði með bensínvél og dísilvél, en INSTYLE-gerðin aðeins með dísilvél.