Skoda Rapid Spaceback frumsýndur

Skoda Rapid Spaceback verður f​rumsýndur laugardaginn 30. nóvember milli kl. 12.00-16.00. Með Škoda Rapid Spaceback kemur nýr valkostur fram á sjónarsviðið, mitt á milli Škoda Fabia og Octavia. Í fyrsta sinn býður Škoda upp á minni bíl sem sameinar góða, hagnýta eiginleika Škoda og hönnun hlaðbaks.Skoda Rapid Spaceback verður f​rumsýndur laugardaginn 30. nóvember milli kl. 12.00-16.00. Með Škoda Rapid Spaceback kemur nýr valkostur fram á sjónarsviðið, mitt á milli Škoda Fabia og Octavia. Í fyrsta sinn býður Škoda upp á minni bíl sem sameinar góða, hagnýta eiginleika Škoda og hönnun hlaðbaks.

Skoda Rapid Spaceback verður f​rumsýndur laugardaginn 30. nóvember milli kl. 12.00-16.00.

Með Škoda Rapid Spaceback kemur nýr valkostur fram á sjónarsviðið, mitt á milli Škoda Fabia og Octavia. Í fyrsta sinn býður Škoda upp á minni bíl sem sameinar góða, hagnýta eiginleika Škoda og hönnun hlaðbaks. Fersk hönnun Škoda Rapid Spaceback mun örugglega falla yngri kaupendum í geð. Líkt og aðrir bílar frá Škoda býður Spaceback upp á mikið pláss, fjölmargar snjallar hugmyndir, hámarksöryggi, litla eldsneytiseyðslu og einstaklega hagstætt verð. Plássið í þessum nýja Škoda Rapid Spaceback setur svo nýja staðla í þessum stærðarflokki.

Sportlegur og ferskur bíll í millistærðarflokki með flottar línur
Það fyrsta sem vekur athygli eru hreinar útlitslínur Škoda Rapid Spaceback. Útlitið er sportlegt og þessi bíll virkar bæði sportlegri og lengri en hefðbundnar útgáfur hlaðbaks. Þetta eru atriði sem skilja Spaceback-bílinn frá öðrum keppinautum, bæði hvað varðar útlit og notagildi.Frá hlið eru það hreinar línur, langt hjólhaf (2602 mm) og stórar hliðarrúður sem vekja athygli. Gluggapóstar eru grannir og þriðji glugginn aftast undirstrikar hönnunina enn betur. Stórar hliðarrúðurnar undirstrika léttleika og gott útsýni úr innanrými bílsins.Rapid Spaceback er einnig hægt að fá með glerþaki sem nær frá framrúðu aftur að afturglugganum. Þetta er stærsta glerþak sem Škoda hefur boðið upp á til þessa. Það gerir farþegum kleift að fá meiri birtu, upplifa aukið rými og njóta þess að horfa til himins.Afturhluti Rapid Spaceback undirstrikar enn frekar sportlegt útlit bílsins. Stór afturljósin með hefðbundnu C-lagi eru á sínum stað og svört vindskeiðin og láréttar endurskinsrendur undirstrika útlit afturhlutans enn frekar.Hægt er að fá Rapid Spaceback með xenon-ljósum sem aukabúnað. Þessi pakki býður einnig upp á þokuljós með beygjuvirkni.

Rúmgott og aðlaðandi innanrými
Škoda Rapid Spaceback er í senn rúmgóður, notadrjúgur og glæsilega hannaður. Fóta- og höfuðrýmið er það mesta sem fyrirfinnst í þessum stærðarflokki bíla og það sama á við um farangursrýmið, sem rúmar 415 lítra og allt að 1380 lítra þegar búið er að leggja aftursætisbakið niður.Hjá Škoda hefur verið lagt mikið upp úr einfaldlega snjöllum hugmyndum (,,Simply Clever“) við hönnun bíla, og þessar lausnir bæta enn innanrýmið í Rapid Spaceback.Þessi nýi Spaceback fæst með tvöföldu gólfi í farangursrýminu svo hægt sé að vera með geymslupláss á tveimur hæðum, sem eykur notagildið verulega. Auk þess er þessi bíll með alla þá hluti sem við þekkjum þegar úr Rapid. Meðal þess er ísskafa innan á loki að bensíngeymi, haldari fyrir viðvörunarvesti undir ökumannssæti, gólfmotta í farmrými með mismunandi áferð (sem hægt er að snúa við) og ruslakarfa í hliðarhurð. Önnur dæmi um þetta er miðahaldari, margmiðlunargeymsla (fyrir farsíma, iPod eða önnur fartæki), bollahöldur að framan og aftan og pakkahilla sem hægt er að geyma fyrir aftan sætin. Meðal annarra snjallra hugmynda í hönnun er hagkvæm festing á öryggisbeltum við aftursæti, svo að þau flækjast ekki fyrir þegar bak aftursætis er lagt fram. Sportlegt þriggja arma stýrishjól, sportlegar klæðningar og ný sætaáklæði undirstrika glæsileika innanrýmisins enn frekar.ŠKODA Rapid Spaceback er fáanlegur á Íslandi í tveimur útgáfum: Ambition og Elegance. Til viðbótar eru þrjá litasamsetningar í boði fyrir mælaborð og hurðarspjöld: Svart/svart, svart/grátt og svart/drapplitað.

Mikið lagt upp úr öryggi
Líkt og í öðrum bílum frá Škoda er mikið lagt upp úr öryggi í Rapid Spaceback. Umfangsmikill öryggispakki verndar farþegana komi til óhapps, m.a. fram-, hliðar og höfuðöryggispúðar, hæðarstillanleg öryggisbelti með forstrekkibúnaði í framsætum og hæðarstillanlegir höfuðpúðar ásamt Isofix-festingum fyrir barnabílstól í aftursæti. Hemlalæsivörn (ABS) og rafeindastýrð stöðugleikastýring (ECS) eru staðalbúnaður. Meðal fáanlegs aukabúnaðar sem eykur öryggi má nefna xenon-ökuljós, eftirlit með loftþrýstingi í hjólbörðum og þokuljós með beygjuvirkni.

Fjórar bensínvélar og tvær dísilvélar
Þessi nýi Škoda Rapid Spaceback er fáanlegur með fjórum bensínvélum og tveimur dísilvélum. Þessar háþróuðu vélar gefa á milli 75 hö (55kW) og 122 hö (90 kW) afl.Grunngerðin er þriggja strokka, 1,2 lítra og 75 hö, með eyðslu sem nemur 5,8 l/100 km með handskiptum fimm gíra kassa.1,2 lítra TSI vélin er 86 hö og er einnig með fimm gíra handskiptum gírkassa. Eyðslan í blönduðum akstri er 5,1 l/100 km.  Endurbætt útgáfa af þessari 1,2 lítra TSI vél er 105 hestöfl og þessi vél er fáanleg með handskiptum sex gíra kassa.Aflmesta vélin í þessum nýja Spaceback er 122 hestafla, 1,4 lítra TSI. Þessi vél er eingöngu í boði með sjö gíra sjálfskiptum gírkassa með tveimur kúplingum.Kaupendur Rapid Spaceback geta valið á milli tveggja 1,6 lítra dísilvéla með samrásarinnsprautun eldsneytis.Ný 1,6 lítra, 90 hestafla TDI. Þessa vél er hægt að fá annaðhvort með handskiptum fimm gíra gírkassa eða sjö gíra sjálfskiptum gírkassa með tveimur kúplingum. Eyðslan á þessari vél er aðeins 4,4 l/100 km. Aflmesta dísilvélin er síðan 1,6 TDI, 105 hestöfl.