Upplýsingar vegna dísilvéla EA189.

Eins og komið hefur fram í fréttatilkynningum að undanförnu kappkostar Volkswagen Group að hrinda tæknilegum aðgerðum í framkvæmd til að fjarlægja frávik í hugbúnaði sem finna má í tilteknum dísilvélum af gerðinni EA189, framleiddum á árunum 2008 til 2015. Búið er að koma upp þjónustusíðum á skoda.is og volkswagen.is með leitarvélum þar sem viðskiptavinir geta gengið úr skugga um hvort málið snerti þeirra bifreið ...

Eins og komið hefur fram í fréttatilkynningum að undanförnu kappkostar Volkswagen Group að hrinda tæknilegum aðgerðum í framkvæmd til að fjarlægja frávik í hugbúnaði sem finna má í tilteknum dísilvélum af gerðinni EA189, framleiddum á árunum 2008 til 2015.

Búið er að koma upp þjónustusíðum á skoda.is, volkswagen.is og audi.is með leitarvélum þar sem viðskiptavinir geta gengið úr skugga um hvort málið snerti þeirra bifreið. 

Ferlið er einfalt. Það eina sem þarf að gera er að slá verksmiðjunúmer bílsins inn í leitarvélina. Verksmiðjunúmer er auðkennisnúmer ökutækis sem finna má í skráningarskírteini og á yfirbyggingu bílsins.

Hjá Volkswagen er unnið að því hörðum höndum að finna lausn á þessu máli. Haft verður samband við hvern og einn viðskiptavin sem málið varðar eins fljótt og auðið er. Auk leitarvéla á þjónustusíðum er einnig að finna mikilvæg svör um framvindu mála hjá Volkswagen Group en upplýsingar eru uppfærðar reglulega.

Ákveðins misskilnings hefur gætt í umræðu síðustu daga þar sem rætt hefur verið um útblástur koltvísýrings eða CO₂ í tengslum við mál dísilvéla EA189. Hið rétta er að hugbúnaðurinn sem um ræðir olli frávikum á gildum fyrir köfnunarefnisoxíð (NOx) meðan útblástursprófið var framkvæmt en ekki CO₂. Ólíkt CO₂ hefur NOx útblástur ekki áhrif á innflutnings- og bifreiðagjöld.

Smelltu hér til að skoða leitarvél Volkswagen.

Smelltu hér til að skoða leitarvél Skoda.

Smelltu hér til að skoða leitarvél Audi.